У Залессі прайшоў прыём грамадзян
Власть
19.12.2019
18 снежня кіраўнік спраў райвыканкама Ірына Маркевіч правяла прыём грамадзян у Залессі. Акрамя яе ў гэтым мерапрыемстве ўдзельнічалі старшыня Залескага сельвыканкама Зянон Грышкевіч і кіраўнік спраў Валянціна Маркевіч.
На прыём прыйшла стараста аграгарадка Залессе Вера Карней. Яна жыве ў гэтым аграгарадку даўно, таму ведае жыхароў, іх праблемы. Жанчына папрасіла Зянона Зянонавіча, каб дапамог канкрэтным людзям вырашыць бытавыя праблемы.
У сваю чаргу Зянон Грышкевіч папрасіў Ірыну Маркевіч пасадзейнічаць у вырашэнні аднаго няпростага пытання на раённым узроўні.
Пасля заканчэння прыёму грамадзян Ірына Дзмітрыеўна паглядзела, як аформлены стэнды, якія размешчаны ў памяшканні Залескага сельвыканкама, выказала свае рэкамендацыі.
Юрый ЯНУШКЕВІЧ.
Фота аўтара.
