Бяспечная перавозка вучняў школьнымі аўтобусамі
Тэарэтычная частка была праведзена ў адной з гімназічных аўдыторый. Перад дырэктарамі школ, дзе ёсць аўтобусы для перавозкі вучняў, вадзіцелямі гэтых транспартных сродкаў выступілі начальнік ўпраўлення адукацыі райвыканкама Ігар Шчасны, начальнік рэгіянальнага аддзела кантролю транспартнай дзейнасці г. Ашмяны філіяла Транспартнай інспекцыі Гродзенскай вобласці Сяргей Мантур, старшы дзяржаўтаінспектар аддзела ДАІ Смаргонскага РАУС Віталь Кандратовіч. У гэтым мерапрыемстве таксама ўдзельнічалі Юрый Карасевіч, які часова знаходзіцца на пасадзе начальніка мясцовага аддзела Дзяржаўтаінспекцыі, і Святаслаў Дубіцкі, інжынер “Белтэхагляду” станцыі дыягностыкі аўтапарка №17.
Пасля заканчэння тэарэтычнай часткі семінара супрацоўнікі транспартнай інспекцыі, аддзела ДАІ праверылі школьныя аўтобусы на тэхнічную спраўнасць і ўкамплектаванасць усім неабходным згодна з патрабаваннямі па перавозцы дзяцей. Правераны былі дакументы ў вадзіцеляў.
Фота аўтара.
