На камісіі разгледзелі карупцыйныя пытанні
З інфармацыяй аб размеркаванні жылля выступіла начальнік аддзела жыллёва-камунальнай гаспадаркі райвыканкама Алена Атцэцкая. Яна адзначыла, што пастаноўка на ўлік грамадзян, якія маюць патрэбу ў паляпшэнні жыллёвых умоў, і размеркаванне жылля выконваюцца строга з заканадаўствам. Падчас праверак не выяўлена ніякіх парушэнняў.
Першы намеснік начальніка райаддзела міліцыі Іван Руткоўскі паведаміў аб тым, якая работа праводзіцца супрацоўнікамі гэтай службы па прадухіленні карупцыйных праяў на прадпрыемствах і ў арганізацыях раёна, колькі выяўлена выпадкаў хабарніцтва.
Выступленне намесніка пракурора раёна Аляксея Бандарчука тычылася дзейнасці самой камісіі па супрацьдзеянні карупцыі. Аляксей Сяргеевіч выказаў шэраг прапаноў па яшчэ больш эфектыўнай рабоце гэтага грамадскага ўтварэння.
Юрый ЯНУШКЕВІЧ.
Фота аўтара.
