Шоу «Танцы трактароў» на свяце ў Смаргоні
Сморгони - 520 лет
17.06.2023
Незвычайнае шоу прайшло на цэнтральнай плошчы Леніна. Танчылі пад музыку шматтонныя машыны.
Усім вядома, што ў нашым горадзе працуе ААТ «Смаргонскі агрэгатны завод», які выпускае «жалезных коней». Таму шоу «Танцы трактароў» чакалі з асаблівым нецярпеннем.
Трактары ў літаральным сэнсе ўварваліся на імправізаваны танцпляц. Яны выконвалі сінхронныя наезды, ад'езды і віражы. Пасля гэтага трактары пусціліся ў скокі. Кіравалі машынамі, дакладней, танчылі на іх віртуозы сваёй справы. Паказаўшы некалькі піруэтаў, машыны сталі ў адну лінію пад захопленыя воклічы і апладысменты гледачоў.
Майстры «жалезных» танцаў абрадавалі і здзівілі гасцей і жыхароў Смаргоні.
Ларыса ТАТАРЫНАВА.
Фота аўтара.
