Чалавечае жыццё здаўна звязана з незвычайным прыродным матэрыялам – глінай. Гліну выкарыстоўваюць для вырабаў прадметаў побыту, цацак, упрыгожванняў. Керамічныя вырабы заўсёды выглядаюць прыгожа, цёпла, бо яны зберагаюцьчасцінку душы майстра.
Яны ажыўляюць гліну, у іх руках яна спявае (подкаст)
Подкасты
09.08.2024
На 10-тым фестывалі-кірмашы “Кераміка Крэва” майстры-керамісты з розных куточкаў Беларусі паказвалі майстэрства валодання глінай.
Анатоль Кардаш з г.п. Наваельня Дзятлаўскага раёна захапіўся стварэннем керамікі толькі тады, калі пайшоў на заслужаны адпачынак. Анатоль Аляксандравіч працаваў галоўным прававым інспектарам Рэспубліканскага прафсаюза чыгуначнікаў і транспартных будаўнікоў у Мінску. Першы гаршок, зроблены сваімі рукамі, захоўвае да гэтага часу. Гатовыя вырабы абпальвае пры дапамозе горна. Майстар выкарыстоўвае метад – малачэнне.
Ганчар, кераміст Наталля Цэван з г. Заслаўль працуе ў розных тэхніках: мастацкая кераміка, дэкаратыўная стастыка, вырабляе посуд.
“З гліны можна рабіць усё, яна ж шматгранная, чароўная”, - упэўнена Наталля Аляксандраўна.
Смаргонскі кераміст Юрый Хрышчановіч працуе ў тэхніцы паліваная кераміка. Ён вырабляе посуд, цацкі, сувеніры, збаночкі. “Гліна – гэта вельмі падатлівы матэрыял у руках майстра”, - лічыць ён.
30 гадоў займаецца ганчарствам член Саюза мастацтваў Беларусі Алег Капуста. Асноўнае месца працы Алега Канстанцінавіча Івянецкі музей традыцыйных культур.
“Працаваць з глінай – гэта адпачынак. Я працую з стыхіяй – зямлёй, паветрам і вадой”.
Кожны з майстоў-керамістаў валодае сваім сакрэтам. У іх адно агульнае – яны ствараюць цуд...
Галіна КОЗЕЛ
