Свята “Восеньскі кiрмаш” прайшло ў дзіцячым садзе №5

Аркестр.

Упрыгожанне музычнай залы адпавядала назве свята: дэкарацыі з выкарыстаннем беларускага арнаменту, вялікая колькасць ручнікоў, гліняных, ільняных і саламяных вырабаў, тэатр “Батлейка”.

Выхаванцы з задавальненнем адгадвалі загадкі, чыталі вершы і спявалі на роднай мове песні “Беларускі кірмаш”, “Мы жывём ў Беларусі”, “Завітала восень”, гралі на беларускіх музычных інструментах, спаборнічалі ў зборы ўраджаю. А танцы “Беларусь мая” і “Полька беларуская” нікога не пакінулі абыякавым, нават бацькі з задавальненнем танцавалі беларускі танец “Вясялуха”.

Вясялуха.

Не меншае захапленне усіх удзельнікаў свята выклікалі госці кірмашу. На свята завіталі баба Ганна і дзед Ягор. Яны за прыпеўкі і народныя гульні прадалі дзецям сваю кароўку Рагулю.

Як і належыць любому кірмашу, на свята завітаў і лялечны тэатр батлейка са сваёй пастаноўкай “Рэпка”. Казка вельмі спадабалася гасцям свята, і усіх ўдзельнікаў тэатра ўсе вельмі шчыра віталі.

Наша зямля беларуская вельмі шчодрая, а людзі працавітыя, таму у нас і танцы, і песні такія прыгожыя. Было вельмі прыемна бачыць натхнёныя твары маленькіх беларусаў, іх зацікаўленасць да гісторыі нашай краіны і яе традыцый.

Купляйце нашу Рагулю.