Вучні сярэдняй школы “№3 пісалі дыктант, прысвечаны Дню народнага адзінства
16 верасня вучні 8 - 11 класаў пісалі рэспубліканскі дыктант, прымеркаваны да Дня народнага адзінства. Мэта дыктанта – выхаванне ў вучняў паважлівага і адказнага стаўлення да гісторыі беларускага народа, фарміраванне ўсведамлення непарыўнай сувязі гісторыі і сучаснасці, важнасці народнага яднання на шляху да росквіту Радзімы. А таксама магчымасць патрэніраваць сваю граматнасць, нагода успомніць тых, хто рупліва працаваў на карысць нашай Радзімы, і напамін нашчадкам пра неабходнасць захавання адзінства і незалежнасці Беларусі.
Вучні 11 класа ў час напісання рэспубліканскага дыктанта.
Пасля напісання дыктанта вучні разважалі пра тое, што Дзень народнага адзінства – нацыянальнае свята, якое яшчэ раз нагадвае кожнаму аб важнасці згуртаванасці. Яно яшчэ раз прыпамінае, што ўсе мы, нягледзячы на ўзрост і сацыяльнае становішча, з’яўляемся адным народам.
Ва ўстанове адукацыі ў рамках святкавання Дня народнага адзінства праходзяць інфармацыйныя хвілінкі, конкурс плакатаў і малюнкаў, праведзена дыялогавая пляцоўка “ Сіла краіны ў адзінстве народа”, квэст-гульня “Беларусь-краіна адзінства” і іншыя мерапрыемствы, праз якія ўдзельнікі ўсведамляюць, што толькі ў адзінстве мэт і намаганняў, у адзінстве любові і клопату аб сваёй Радзіме мы можам захаваць і павялічыць дабрабыт і дасягненні нашай дзяржавы.
Галіна МІНКЕВІЧ,
настаўніца беларускай мовы і літаратуры СШ №3.
