Мясцовыя энергетыкі сустракаюць сваё прафесійнае свята з добрым настроем
Общество
18.12.2019
Мясцовыя энергетыкі сёлета сустракаюць сваё прафесійнае свята з добрым настроем, бо выканалі вельмі многа работы падчас падрыхтоўкі Смаргоні да правядзення абласнога фестывалю-кірмашу “Дажынкі-2019”. Яны рэканструявалі паветраныя лініі на вуліцах Гагарына, Гастэлы, Першамайскай, устанавілі там сучасныя электралічыльнікі, так званыя спліт-сістэмы. Даволі вялікая работа была выканана па мадэрнізацыі гарадскіх трансфарматарных падстанцый, укараненні сістэм дыстанцыйнага кіравання гэтымі аб’ектамі.
Зладжана працавала брыгада па рамонце і абслугоўванні кабельных ліній. Яна выконвала пэўныя работы ў горадзе, рамантавала, замяняла кабельныя лініі ў раёне. І цяпер электраманцёры-кабельшчыкі не сядзяць без справы, аб чым сведчаць фотаздымкі.
Брыгада па абслугоўванні вулічнага асвятлення на працягу года падтрымлівае спраўнасць вулічных ліхтароў у сельскіх населеных пунктах, па заяўках сельсаветаў своечасова выязджае замяняць лямпачкі, якія перагарэлі.
Юрый ЯНУШКЕВІЧ.
Фота аўтара.
