У політэхнічным ліцэі прайшоў семінар па пытаннях працоўнага заканадаўства
Общество
28.11.2019
28 лістапада ў зале мясцовага політэхнічнага ліцэя быў праведзены семінар для работнікаў кадравых службаў, юрыстаў, бухгалтараў прадпрыемстваў і арганізацый Смаргонскага, Ашмянскага і Астравецкага раёнаў. Ён тычыўся змяненняў, якія былі ўнесены сёлета ў Працоўны кодэкс Рэспублікі Беларусь.
З лекцыяй выступіла эксперт у галіне працоўнага заканадаўства нашай краіны Валянціна Філіповіч, якую запрасіў Смаргонскі раённы філіял Гродзенскага абласнога саюза наймальнікаў.
У мерапрыемстве таксама ўдзельнічалі намеснік старшыні раённага філіяла саюза наймальнікаў Святлана Салдаценкава і начальнік аддзела па працы і працоўных адносінах упраўлення па працы, занятасці і сацыяльнай абароне райвыканкама Алена Харужык.
Юрый ЯНУШКЕВІЧ.
Фота аўтара.
