Вырабы навучальных устаноў, бяспройгрышная латэрэя, займальныя конкурсы. Чым яшчэ здзіўляюць "Дажынкі" у Смаргоні?
Общество
23.11.2019
На вуліцы Пятра Балыша працавалі святочныя пляцоўкі навучальных устаноў Смаргонскага і іншых раёнаў Гродзенскай вобласці.
На пляцоўках прапаноўвалі шырокі асартымент сувенірнай прадукцыі, якая была выраблена ў вытворчых майстэрнях і школьных бізнес-кампаніях. Гэта разбяныя, драўляныя, вінтажныя вырабы, кераміка і інш. Вырабы навучэнцаў і педагогаў Смаргонскага раённага цэнтра творчасці дзяцей і моладзі прапаноўваліся ў “Сувенірнай лаўцы”. Установы сельскагаспадарчай накіраванасці прадавалі садавіну, агародніну, якую вырошчваюць самі. На імправізаванай сцэне выступалі самадзейныя артысты з устаноў прафесійнай адукацыі вобласці. Непадалёку разыгрывалася бяспройгрышная латэрэя, праводзіліся займальныя конкурсы.
Юрый ЯНУШКЕВІЧ.
Фота аўтара.
