Гучы, газеты голас!

Гучы, газеты голас!

Наша «раёнка» адзначае юбілей!

Старонка новая адгорнута ў газеце…

А «Светлы шлях» з гадамі маладзей,

Сучаснасць асвятляе і падзеі ў свеце…

Гартаю сэрцу мілыя старонкі,

Нібыта сябра, так чакаю «Светлы шлях»!

Гучы, газеты голас,

Шчыры, звонкі

Жывое сэрца б’ецца ў тваіх грудзях!

…Я даўняя падпісчыца газеты,

Чакаю з нецярпеннем увесь час,

Бяру ў рукі нумар,

Так цікава,

Што напісалі журналісты

У гэты раз?

Нястомныя працаўнікі пяра!

Адданыя газеце, несумненна,

Прыхільнікі асветы і дабра,

Такія слаўныя, таленавітыя,

Сумленныя!

Матэрыялы разнастайныя, о так!

І пра падзеі, і пра людзей

Нам аўтары раскажуць,

А журналісты, нібы чарадзеі,

Так слоўцы ў вянок сплятаюць,

Вяжуць.

…Карэктары працуюць

Так старанна,

Нічога не схаваецца ад іх!

Калі якія хібы, то паправяць,

Газеты голас каб ніколі не заціх!

Ты сімвал салідарнасці і згоды,

Наш «Светлы шлях»,

Ты ў гушчы ўсіх падзей,

Віншуем шчыра слынную газету,

Жыві і слаўся, ды з гадамі маладзей!

Марыя ЛОСЬ, настаўніца Залескай сярэдняй школы