10 лістапада на сцэну раённага Цэнтра культуры падымаліся тыя, на чыіх плячах трымаецца харчовая бяспека нашай дзяржавы. Віншаванні прымалі старшыні сельгаспрадпрыемстваў, аграномы, заатэхнікі, механізатары, вадзіцелі, аператары машыннага даення і іншыя працаўнікі сяла.
Дзень работнікаў сельскай гаспадаркі і перапрацоўчай прамысловасці адзначылі ў Смаргоні
Культура
10.11.2023
Павіншаваць іх з прафесійным святам прыйшлі старшыня раённага Савета дэпутатаў Сяргей Кудзеньчук, старшыня райвыканкама Генадзь Харужык, першы намеснік старшыні, начальнік упраўлення сельскай гаспадаркі і харчавання райвыканкама Сяргей Мядзвецкас. Свае ўзнагароды ўручылі грамадскія арганізацыі Смаргоншчыны: БРСМ, “Белая Русь”, “Беларускае грамадскае аб’яднанне ветэранаў”, Смаргонскае раённае аб’яднанне прафсаюзаў і асобна раённая арганізацыя Беларускага прафсаюза работнікаў аграпрамысловага комплексу.
Па добрай традыцыі ўручылі Пераходныя прызы былых старшынь калгасаў: Пятра Карнея – у галіне раслінаводства і Міхаіла Крутаўцова – у галіне жывёлагадоўлі. Сёлета абодва прызы паехалі ў КСУП “АграСолы”.
Каб святочная праграма атрымалася сапраўды ўрачыстай і радаснай, да віншаванняў далучыліся артысты: супрацоўнікі раённага Цэнтра культуры, калектывы “Хутарок”, “Кужэліца”, “Вілляначка”, “Міраж”, “Кантабіле”, “Viva-Diva”, рэтра Вумэн Трыа, “PerformanceShowStudio”. Завяршыла праграму выступленне Заслужанага калектыву Рэспублікі Беларусь, вакальнай групы “Чысты голас”.
Глядзець яшчэ фота
Віялета ВОЙТКА.
Фота аўтара.
Похожие новости
Смаргонскія абаранкі – на абласных “Дажынках”
Працавітыя хлебаробы Смаргоншчыны атрымалі заслужаныя ўзнагароды
Былі песні, былі скокі
“І жыта плыве па засеках ракой”. У Сіньках на раённых “Дажынках” павіншавалі герояў свята
Прэзентацыя падворкаў сельскагаспадарчых прадпрыемстваў – шчодра, весела, творча
Интересные и актуальные новости Сморгонского района в нашем Telegram-канале. Подписывайтесь по ссылке!