На галоўнай сцэне “Дажынак-2023” ушаноўвалі лепшых працаўнікоў Гродзеншчыны. Тут падчас урачыстага адкрыцця свята гучала падзяка у адрас тых, хто сваёй нялёгкай працай з года ў год забяспечвае харчовую бяспеку краіны.
Працавітыя хлебаробы Смаргоншчыны атрымалі заслужаныя ўзнагароды
Культура
23.09.2023
Лепшыя працаўнікі вобласці атрымалі заслужаныя ўзнагароды. Сярод узнагароджаных-прадстаўнікі Смаргонскага раёна. Падзякай Прэм’ер-міністра Рэспублікі Беларусь адзначаны першы намеснік начальніка ўпраўлення сельскай гаспадаркі і харчавання Аляксандр Шымановіч.
Грамату Гродзенскага абласнога Савета дэпутатаў атрымаў трактарыст-машыніст КСУП “Сінькі” Аляксандр Харужык, а Падзячны ліст старшыні Гродзенскага абласнога Савета дэпутатаў – трактарыст-машыніст ВКУП “Саўгас “Смаргонскі” Валерый Ігнатовіч.
Граматы абласнога камітэта Беларускага прафсаюза работнікаў АПК быў удастоены майстар па рамонце транспарту філіяла “Жодзішкі” Аляксандр Рожка.
Першае месца на рэспубліканскім конкурсе за лепшую арганізацыю работы па ахове працы было прысуджана філіялу “Смаргонскія малочныя прадукты”, узнагароду атрымаў дырэктар Ігар Варанішча.
Да позняга вечара на галоўнай сцэнічнай пляцоўцы артысты і калектывы аматарскай творчасці Гродзенскай вобласці разам з “зоркамі” беларускай эстрады радавалі зельвенцаў і гасцей гарадскога пасёлка сваімі талентамі.
Галіна АНТОНАВА.
Фота аўтара і Таццяны ЛЫСКОВАЙ.