Вакальная група “Заляснянка” адзначыла чвэрцьгадовы юбілей
Культура
28.09.2019
Юбілейны вечар “Растяни меха, гармошка”, прысвечаны 25-годдзю вакальнай групы “Заляснянка” адбыўся 26 верасня. У Залескім Доме культуры сабраліся не толькі аматары добрай песні, але і былыя ўдзельнікі “Заляснянкі”, а таксама старшыня Залескага сельсавета Зянон Грышкевіч, дырэктар Смаргонскага РЦК Галіна Крацянок, былы дырэктар Залескага ДК Алена Суслава, якая заснавала вакальную групу…
Цяпер калектыў, якім кіруе на працягу апошніх пяці гадоў Лілія Мураўская, налічвае восем чалавек. Старажыл калектыва – Галіна Роўная. Таму нядзіўна, што візітная картка “Заляснянкі” – песня “Залессе”, якую напісала Вольга Роўная, паэтка, чые песні выконваюць групы “Фабрыка”, “Іванушкі” і “Любэ”, Валерый Лявонцьеў і Вікторыя Дайнэка, Аляксей Глызін і Вольга Плотнікава. Дарэчы, на самой імпрэзе Вольга таксама была.
Свае нумары на свяце прадствавілі не толькі сама “Заляснянка”, але і былыя яе ўдзельнікі, а таксама вакальна-інструментальны гурт “Бліскавіца” Залескай школы мастацтваў.
Галіна АНТОНАВА.
Фота аўтара.
