Нацыянальны акадэмічны канцэртны аркестр Беларусі выступіў у Залессі
Заслужаны калектыў выступіў перад гледачамі з двума канцэртамі. Адзін з іх прайшоў у зале музея-сядзібы М. К. Агінскага, другі – у дворыку гэтай пабудовы. Музыканты выканалі творы кампазітара, у тым ліку сусветна вядомы яго паланэз “Развітанне з Радзімай”, які прыхільнікі музыкі заўсёды слухаюць стоячы.
“З кожным годам, калі вы прыязджаеце ў Залессе, - сказала дырэктар музея-сядзібы М. К. Агінскага Людміла Градзіцкая, звяртаючыся да кіраўніка аркестра Міхаіла Фінберга, - на канцэрт прыходзіць усё больш людзей. Сёння нам прыйшлося нават дадаткова паставіць крэслы”. Яна падзякавала калектыву за цудоўнае выкананне музычных твораў і ўручыла маэстру букет кветак, адзначыўшы, што яны - з мясціны аўтара знакамітага паланэза.
Юрый ЯНУШКЕВІЧ.
Фота аўтара.
