Пад апекаю Святой Еўфрасінні - Звонкае рэха падзеі - Культура, мараль і права - Навіны Смаргоншчыны - Газета Светлы шлях

Лепшы педагог-даследчык, лаўрэат прэміі Е. Полацкай Міхаіл МІХАЛЬКЕВІЧ.

Яркім і змястоўным было мерапрыемства "Сэрца аддадзенае дзецям”, прысвечанае прафесійнаму святу настаўнікаў. Яго кульмінацыйным момантам стала ўручэнне прэміі імя Еўфрасінні Полацкай. Сёлета пераможцамі ў розных намінацыях сталі 19 педагогаў устаноў адукацыі Смаргоншчыны.
Якасная адукацыя – галоўная прадпасылка дабрабыту краіны, таму нашым урадам так шмат увагі ўдзяляецца гэтай галіне. З 2007 года лепшым з лепшых носьбітаў разумнага, добрага, вечнага, педагогам-наватарам, даследчыкам, майстрам сваёй справы ўручаецца спецыяльная прэмія. Шматлюдна было ў мінулую пятніцу ў канцэртнай зале раённага Дома культуры: сярод ганаровых гасцей ветэраны адукацыі, былыя і цяперашнія кіраўнікі навучальных устаноў, настаўнікі і выхавацелі, педагогі, чые прозвішчы вядомы за межамі нашага раёна і нават вобласці, дзякуючы іх выдатным выхаванцам. Відэа-віншаванне ад Віктара Цыркуновіча, пераможцы ў рэспубліканскім конкурсе прафесійнага майстэрства, лепшага акцёра года, было прыемным сюрпрызам і для яго былых настаўнікаў, і для ўсіх прысутных.

Падарунак гімназіі ад благачыннага Анатоля РЭЗАНОВІЧА.

Ганаровай граматай прэзідыума Смаргонскага раённага Савета дэпутатаў і райвыканкама, а таксама падзячным пісьмом старшыні райвыканкама былі ўзнагароджаны дырэктар СШ №1 Ала Коваль, дырэктар СШ №6 Ігар Шчасны, дырэктар Сольскай СШ Аляксандр Сівіцкі і намеснік загадчыка яслей-сада №6 Наталля Курак. Ва ўрачыстай абстаноўцы дзяржаўная ўзнагарода - ордэн Маці, была ўручана выхавацелю і прыёмнай маці Вользе Рэшкавіч. Граматамі абласнога ўпраўлення адукацыі ўзнагароджаны дырэктар Кушлянскай базавай школы Жанна Радзевіч, кіраўнік гісторыка-краязнаўчага музея Крэўскай СШ Міхаіл Міхалькевіч, кіраўнік духоўна-асветніцкага турыстычнага лагера "Нашчадкі” Васіль Грыбанаў, кіраўнік аддзела дэкаратыўна-прыкладной творчасці цэнтра творчасці дзяцей і моладзі Ніна Малькова, выхавальнік вучэбна-педагагічнага комплексу ў Асінаўшчызне Жанна Грышан.

Цырымонія ўручэння прэміі імя Еўфрасінні Полацкай упраўлення адукацыі пачалася з тэатралізаванай сцэнкі пад гукі старажытнай музыкі. Дарэчы, гэта прэмія і яе сімвал - хрустальная статуэтка Еўфрасінні - уручаюцца раз у два гады. Сёлета на суісканне былі вылучаны 46 чалавек з 18 устаноў адукацыі. Найбольшая колькасць прэтэндэнтаў на атрыманне прэміі налічвалася ў намінацыях "Педагог-даследчык”, "Сэрца аддаю дзецям”, "Педагог-наватар” і "Творчая асоба”.
Аўтарытэтная камісія выбрала самых годных. Сярод іх у намінацыі "Педагог-наватар” пераможцамі сталі настаўнік пачатковых класаў гімназіі Святлана Янкоўская, настаўнік замежнай мовы СШ №5 Антаніна Манчак, педагог-псіхолаг СПЦ Наталля Мякіннік. У намінацыі "Педагог-даследчык” перамаглі настаўнік матэматыкі гімназіі Уладзімір Прыхач і настаўнік гісторыі з Крэва Міхаіл Міхалькевіч. Самым выдатным класным кіраўніком прызнаны Святлана Буткевіч (СШ №3), Таццяна Мінкевіч (СШ №6), Наталля Працута (СШ №1). Лепшымі ў намінацыі "За гонар і вартасць” сталі настаўнік гісторыі гімназіі Алена Бабойць, настаўнік працоўнага навучання СШ №6 Крысціна Ластоўская і выхавацель Асінаўшчызненскага садка Ірына Шчарбакова. Самымі творчымі асобамі прызнаны настаўнік музыкі СШ №5 Тамара Нагаева, настаўнік гісторыі гімназіі Павел Савіцкі і мастацкі кіраўнік садка №13 Наталля Віткоўская. Паспяховы педагагічны дэбют напаткаў сёлета маладога настаўніка працоўнага навучання СШ №5 Ілью Барысава, а лепшым прафсаюзным лідарам была названа старшыня прафкама СШ №1 Людміла Дубоўская.
Завяршылася свята цудоўным канцэртам, які ладзілі артысты гродзенскай філармоніі.

Ала СТРАШЫНСКАЯ.
Фота аўтара.

Программа от 16.05.12