Жыхар вёскі Стымоні ў хаце сваёй
маці падчас сваркі разліў па драўлянай падлозе бензін, дэманстраваў
пачак запалак, пагражаў падпаліць будынак.
Пасля гэтага мужчыну прыйшлося "пазнаёміцца” з супрацоўнікамі міліцыі.
* * *
Паблізу ад вёскі Навасёлкі Ашмянскага раёна
дзяржаўтаінспектары спынілі аўтамашыну "ГАЗ-52”, за рулём якой
знаходзіўся жыхар вёскі Крэва. У кузаве грузавіка супрацоўнікі міліцыі
знайшлі 1 тону 660 кілаграмаў лому чорнага металу на суму 2 мільёны 954
тысячы рублёў.
* * *
З аўтамабіля "Фольксваген”, які стаяў каля дома №14 па
вул. Савецкай у Смаргоні, нехта ўкраў два наборы ключоў, два наборы
адвёртак, магнітолу і скураныя пальчаткі.
Міліцыя шукае злодзея.
* * *
Дзве жыхаркі Валэйкавіч укралі з дома, які гаспадары
часова здавалі ў наём, пасцельныя прыналежнасці, посуд, дзіцячыя
хадункі, абутак, дзіцячае адзенне, а з гаспадарчай пабудовы -
пластыкавую бочку, ёмістасць з нержавеючай сталі і два пластыкавыя тазы.
* * *
Раней судзімы за крадзеж і рабаўніцтва жыхар Смаргоні вынес з гандлёвага павільёна па вуліцы Леніна жаночую куртку.
Аматара чужога дабра чакае лава падсудных.
Інфармацыю РАУС
падрыхтаваў да друку
Юрый ЯНУШКЕВІЧ.
| 
Навігацыя
