З нежылога дома ў вёсцы Медрыкі
нехта ўкраў электрапілу, электракультыватар замежнай вытворчасці,
электрычную лябёдку да плуга, электрычную цыркулярную пілу,
электрадрыль, балгарку, дзве тэлескапічныя вуды, посуд і харчовыя
прадукты.
* * *
Пасля сумеснага распіцця спіртных напіткаў жыхар нашага
горада выкарыстаў пакінутыя без нагляду чужыя ключы і ўгнаў ад дома па
вул. Чапаева аўтамабіль "Жыгулі”.
У раёне быў уведзены план "Перахват”. Угоншчыка
затрымалі дзяржаўтаінспектары сумесна з супрацоўнікамі гарадскога
аддзела "Ахова”.
* * *
Злодзей залез у вагончык, які знаходзіцца каля
будуемага дома па вул. Праезд Друкаваны ў Смаргоні, і ўкраў адтуль
шрубавёрт, электрычную цыркулярную пілу, электрычную дрыль, пласкагубцы і
два кругі для рэзкі металу.
* * *
У Маладзечне супрацоўнікі мясцовай ДАІ спынілі
аўтамабіль "Мерседэс”, за рулём якога знаходзіўся беспрацоўны смаргонец.
Пасля агляду іншамаркі дзяржаўтаінспектары знайшлі ў ёй 1 тону 500
кілаграмаў лому чорных металаў. Адпаведных дакументаў на груз у
вадзіцеля не было.
* * *
Каля прыватнага дома па вул. Кірава ў нашым горадзе
стаяла аўтамашына "Аўдзі”. Але аднойчы гаспадары не ўбачылі на іншамарцы
двух задніх колаў. Пацярпелым нічога больш не заставалася, як звярнуцца
па дапамогу ў міліцыю.
* * *
З аўтамабіля "Фольксваген”, які стаяў каля дома №85 па вул. Я. Коласа, нехта ўкраў імпартную бензапілу.
Узбуджана крымінальная справа. Супрацоўнікі міліцыі шукаюць злодзея.
Інфармацыю РАУС
падрыхтаваў да друку
Юрый ЯНУШКЕВІЧ.
| 
Навігацыя
